Baba Parasram, Gujarat ke Kathiawad ke ek chamatkari sant aur Saadhak the. Unka janm Kathiawad ke chhote se gaon, Dudhai mein hua tha. Bachpan se hi Baba Parasram mein Adhyatmikta aur tyag ke prati ek gehri lagan thi. Unhone apni zindagi ka bada hissa Kathiawad ke ghane jangalon aur pahaadon mein dhyaan mein bitaaya, apni atma ki shanti aur Gyaan ki talaash mein.

 

Jab Baba Parasram ka naam ek bade sant ke roop mein failne laga, toh log Kathiawad aur aas-paas ke ilaakon se unke aashirwaad aur margdarshan ke liye umad pade. Baba Parasram ki daya, gyaan, aur unki Alaukik shaktiyon ke baare mein har jagah baat hone lagi. Ve gareebon ki madad karte, beemaron ko changa karte, aur manasik pareshaniyon mein ulje logo ko shanti ka raasta dikhate the.

 

Ek bahut hi prasiddh katha hai, jo unke asim gyaan aur shakti ka pramaan hai. Kathiawad mein ek baar ek bhayanak sukhha pada. Log paani ke liye taras rahe the, faslein barbaad ho rahi thi. Tab Baba Parasram ne gehra dhyaan lagaya aur devtaon se baarish ki prarthna ki. Kuch hi ghanton mein kale ghane baadal chha gaye, aur zordaar baarish ne sukhhe ko dharti se mitaa diya.

 

Baba Parasram ki siksha hamesha prem, daya, aur nishkaam seva par adharit thi. Unka kehna tha ki yeh duniya ek hi adhyatmik shakti ka roop hai, aur har jeevan mein bhagwan ka roop samjho. Unhone apne shishyon ko har zinda cheez mein ishwar ko mehsoos karne ke liye prerit kiya.

 

Aaj bhi, Baba Parasram Kathiawad ke logo ke liye aasha aur shanti ka prateek hain. Unki siksha aaj bhi logo ko prerna deti hai, aur humein yaad dilati hai ki sachcha gyaan daya, shanti aur bhakti mein chhupa hai

 

.Baba Parasram ke Bhakt aajbhi ek ajeeb rasm karte hain - woh hamesha apne Puja ki kriya aur seva ko gupt rakhte hain. Kyun? Kyunki Baba Parasram kehte the ki asli spiritual growth tab hoti hai jab hum bina kisi prashansa ya pehchan ke apne kaam karein. Jab hum apne achhe kaamon ka danka bajate hain, toh hum apni niyat ki pavitrata khone lagte hain.Unke bhakt apne ego ahem aur apekshaon se pare hoke, sirf adhyatma ke liye kaam karte hain, aur yahi unki asli spiritual journey or adhyatmikta ka rasta hai."